2025 წელი დღეებს ითვლის, წინასაახალწლო სამზადისის პარალელურად, 17 დეკემბერს, ბარბარობის დღესასწაულზე საქართველოს პარლამენტში გაიმართა ასოციაცია “იკა-21”-ის გამოფენა-გაყიდვა, რომელმაც კიდევ ერთხელ გაუსვა ხაზი ინკლუზიის, შემოქმედებისა და სოციალური მხარდაჭერის მნიშვნელობას.
გამოფენა-გაყიდვაზე წარმოდგენილი იყო შშმ პირების მიერ საკუთარი ხელით დამზადებული ხელნაკეთი აქსესუარები — უნიკალური, გულით შექმნილი ნამუშევრები, რომლებიც ასახავს მათ შემოქმედებით პოტენციალს, შრომას და ინდივიდუალურ სტილს.
თითოეული ნივთი არა მხოლოდ ესთეტიკური ღირებულებით გამოირჩევა, არამედ მნიშვნელოვანი გზავნილი აქვს — შესაძლებლობები არ იზღუდება ფიზიკური მდგომარეობით. ღონისძიებამ მიზნად დაისახა შშმ პირების მხარდაჭერა, მათი ნამუშევრების პოპულარიზაცია და საზოგადოებაში ცნობიერების ამაღლება ინკლუზიური გარემოს შექმნის აუცილებლობის შესახებ.
პარლამენტის სივრცეში გამოფენის ჩატარება განსაკუთრებულ მნიშვნელობას ატარებდა, რადგან ის კიდევ ერთხელ უსვამს ხაზს შშმ პირების აქტიურ ჩართულობას საზოგადოებრივ ცხოვრებაში. წინასაახალწლო გამოფენა-გაყიდვა სითბოთი, ურთიერთთანადგომითა და პოზიტიური ემოციებით იყო სავსე. მსგავსი ინიციატივები ქმნის შესაძლებლობას, რომ თითოეულ ადამიანს მიეცეს საკუთარი ნიჭის წარმოჩენისა და დამოუკიდებელი განვითარების გზა.
ასოციაცია „იკა-21“ კვლავ აგრძელებს მუშაობას შშმ პირების მხარდაჭერისა და მათი შესაძლებლობების წარმოჩენის მიმართულებით, რაც საზოგადოების გაძლიერებისა და ერთობის მნიშვნელოვანი წინაპირობაა.
